Mielies:

• Die CBOT-mieliekontrakprys vir die naaste handelsmaand het sedert Maandag met 1,15% gedaal.
• Ten spyte van ongunstige produksietoestande die afgelope tyd word daar steeds verwag dat Suid-Amerika 'n groot bydrae sal lewer tot 'n wêreldwye graanoorskot in die 2023/24-seisoen. Dit sal 'n afwaartse prysvooruitsig in 2024 behou. 
• Op kort termyn is Brasiliaanse weer ‘n belangrikste uitkykpunt.
• Die binnelandse mieliekontrakte het Maandag met skerp opwaartse tendense verhandel. 
• Die plaaslike nabymaand witmieliekontrak vir lewering in Desember 2023 het met R169/ton (+3,96%) gestyg en teen R4 433/ton gesluit. 
• Die plaaslike nabymaand geelmieliekontrak het vir lewering in November 2023 met R70/ton (+1,75%) toegeneem en teen R4 060/ton gesluit.

Sojabone:

• Die CBOT-sojaboonkontrakprys vir die naaste kontrakmaand het sedert Maandag met 1,90% gedaal.
• Brasiliaanse weer is steeds die warm onderwerp wat marksentiment dryf, hoewel voorspelde reën die kommer oor produksievooruitsigte verlig het. 
• Die onlangse besnoeiings aan voorspellings van ongunstige droë weer sal nog nie genoeg wees om langtermynsentiment te verander nie.
• Die binnelandse sojaboonkontrakte het Maandag met effense opwaartse tendense verhandel. 
• Die plaaslike sojaboonmark het vir lewering in Desember 2023 met R12/ton (+0,13%) gestyg en teen R9 490/ton gesluit. 
• Die Maart 2024-kontrak het met R10/ton toegeneem en teen R9 450/ton gesluit.
• Vir die eerste keer in die geskiedenis het Suid-Afrika sojabone na China uitgevoer. In Oktober is daar 122 000 ton se sojabone na China uitgevoer. Dit is ‘n groot wen vir die stabiliteite van plaaslike markte.

Koring:

• Die CBOT-koringkontrakprys vir die naaste handelsmaand het sedert Maandag met 1,26% swakker verhandel.
• Nuus oor Suid-Amerikaanse weer is steeds 'n belangrike faktor vir markrigting. 
• Die potensiaal vir groot mielievoorrade later in die seisoen hou 'n afwaartse sentiment in vir die internasionale markte op lang termyn. 
• Fokus begin ook na gewasse in die Noordelike Halfrond draai met kommer oor toestande en aanplantings vir 2024 se oes.
• Die binnelandse koringkontrakte het Maandag met algemene afwaartse tendense verhandel. 
• Die plaaslike nabymaand koringkontrak vir lewering in Desember 2023 het met R46/ton (-0,78%) laer verhandel en teen R5 820/ton gesluit.

Vir meer inligting oor die huidige kommoditeits mark, besoek Graan SA se webtuiste.

OFM Nuus   Daphné