Arina du Plessis, Landbou Boerekos-redakteur, sê daar is vanjaar iets vir elke smaak.

“Ons het drie heerlike beesvleisopsies – ’n brisket platbrood, bavet-sosaties en ’n dubbel K-burger. Daar is ook ’n lekker hoender- en varkvleisopsie, so daar is beslis iets vir elkeen.”

Uitstallers en besoekers wat net vir die dag daar is, kan dus elke dag iets anders proe. Boonop is daar verfrissende drankies soos verlede jaar se tee, nie-alkoholiese bier, koue water en suiwer druiwesap, asook natuurlik uitstekende koffie.

Die Plaaskombuis word vanjaar deur Fresh M ondersteun, wat verseker dat elke gereg met kraakvars, plaasvars groente en vrugte voorberei word. “Ons gebruik ook sentraal Suid-Afrikaanse produkte, so baie van die handelsmerke sal mense herken.”

Die Roots Academy studente speel weer ’n belangrike rol in die kombuis. “Hulle is vaardig, vriendelik en fluks, en ons kan regtig nie sonder hulle klaarkom nie.”

Die Plaaskombuis is elke dag vanaf 11:00 oop, tot uitverkoop. Besoekers word uitgenooi om te kom proe aan die geure van die plaas – vars, smaaklik en eg Suid-Afrikaans.

OFM Agri mvh