Dis presies waar Eco Trades inkom: ’n toonaangewende speler in kommersiële sonkrag, gevestig in Bloemfontein maar aktief regoor Suid-Afrika.

Elzette Boucher-Kruger gesels met Izak Oosthuizen, die uitvoerende hoof van Eco Trades, om meer oor hul sonkrag-oplossings vir die landboubedryf uit te vind…

Volgens uitvoerende bestuurder Izak Oosthuizen bied Eco Trades nie net standaard sonkraginstallasies aan nie, maar ook gesofistikeerde VSD-stasies vir pompe, off-grid en grid-tie stelsels, en batterybank-oplossings wat spesifiek ontwerp is om piektye se duur tariewe te oorbrug.

“Om net in die dag te spaar is nie meer genoeg nie,” sê Oosthuizen. “As jy regtig jou uitgawes wil sny, moet jy energie kan stoor en slim gebruik tydens die rooi tye – wanneer elektrisiteit drie tot vier keer duurder is.”

Eco Trades help produsente om daardie tydgleuwe met strategiese batterygebruik te oorbrug, en ontwerp off-grid eenhede in containers of koelkamers, ideaal vir plase, pakhuise en verwerkingsaanlegte. ’n Onlangse projek in die Noord-Kaap se verpakkingsbedryf spog nou met ’n 1,8 megawatt-installasie wat ure se onafhanklikheid moontlik maak – en volhoubaarheid verseker, selfs in kritieke tye.

Volgens Oosthuizen het batterykoste en paneelpryse in die afgelope jaar drasties gedaal. “Jy kyk nou na batterye met ’n leeftyd van tot 20 jaar, mits dit reg bestuur word,” sê hy. “Dis ’n belegging met vinniger opbrengs, veral as jy dit gebruik vir energiebesparing eerder as net noodkrag.”

Elke oplossing word pasgemaak ontwerp. Eco Trades vra vir gedetailleerde gebruikspatrone en Eskom-rekeninge om ’n energiestudie te doen – sodat jy nie net die goedkoopste opsie kry nie, maar die mees gepaste een vir jou unieke boerdery.

Eco Trades werk landwyd aan grootskaalse projekte, van Nelspruit tot Jeffreysbaai, en bedryf hul hoofkantoor in Spitskop, Bloemfontein – ’n moderne fasiliteit van 2000 m² met vertoonlokale en ’n raadsaal vir kliënte.

Besoek ecotrades.co.za vir meer oor hul oplossings of skakel 051 111 0804 vir ’n afspraak om self te sien hoe jou boerdery se energietoekoms lyk – onafhanklik, slim en volhoubaar.