Agriculture
Streekbyeenkomste oor byeboerdery in Noordwes gehou─── 09:00 Thu, 10 Jul 2025
In Julie kan byeboere streekgebaseerde byeenkomste in al vier distrikte van Noordwes bywoon.
Volgens die Noordwes departement van landbou is die doel van hierdie sessies om groter bewustheid te skep oor die ekonomiese en ekologiese waarde van byeboerdery, uitdagings van plaaslike byeboere en koöperasies te identifiseer, en vaardigheidsontwikkeling, opleiding en kennisdeling te bevorder.
Die departement sê die byeenkomste sal ook ondersteuningsprogramme en moontlike befondsingskanale aan deelnemers bekendstel, asook samewerking tussen belanghebbendes in dié sektor versterk.
Die geleenthede vind as volg plaas:
10 Julie – Mahikeng (Ngaka Modiri Molema)
17 Julie – Vryburg (Dr Ruth Segomotsi Mompati)
24 Julie – Potchefstroom (Dr Kenneth Kaunda)
31 Julie – Rustenburg (Bojanala Platinum)
Die departement moedig alle belangstellende individue en rolspelers in byeboerdery aan om die sessies in hul onderskeie streke by te woon en ’n bydrae te lewer tot die toekoms van die bedryf in Noordwes.
OFM Agri cg
