Dié stap dreig nie net inkomsteverliese vir produsente nie, maar stel ook die groter landbouwaardeketting in gevaar.

Die Amerikaanse mark, met sowat S$488 miljoen se landbou-invoer vanaf Suid-Afrika in 2024, vorm ongeveer 4% van die land se totale landbou-uitvoer. Produkte soos sitrus, makadamianeute, druiwe, wyn, volstruisleer en vars groente is onder die kommoditeite wat geraak word.

“Suid-Afrika se landbousektor is afhanklik van uitvoer van meer as S$13,7 miljard per jaar, wat miljoene lewensbestaan ondersteun,” sê Johann Kotzé, uitvoerende hoof van AgriSA. “Markdiversifikasie is belangrik, maar kan nie oornag geskied nie. Die onmiddellike impak op produsente is ernstig.”

AgriSA stel strategiese reaksiemaatreëls voor

• Verskerpte diplomasie: Die DTIC, departement van landbou en Dirco moet dringend vrystellings met Amerika onderhandel.
• Vermindering van tariefhindernisse: Fokus op Brics, Asean en streeksooreenkomste om handelsvloei te bevorder.
• Diversifikasie van uitvoermarkte: Groei in Afrika-, Brics- en Oos-Asiatiese markte sal afhanklikheid van Amerika verminder.
• Versterking van onderhandelingsvermoë: ’n Kundige, strategiese span is nodig om komplekse onderhandelinge te voer.
• Bemarking van kundigheid: Belegging in sektorspesifieke tegniese kundiges sal mededingendheid op lang termyn bevorder.

AgriSA sê hy bly bereid om saam met die regering en rolspelers te werk om dié nuwe handelswerklikheid te navigeer en volhoubare oplossings te bou.

OFM Agri