Volgens news.sky.com het aanhangers al voorheen vir haar geskenke op die verhoog gegooi, maar die jongste “geskenk” het nie ’n goeie reaksie gekry nie. In 'n video kan gesien word hoe Pink (43) die sak met die vrou se as huiwerig optel.

Pink gaan voort en vra die aanhanger: "Dit is jou ma?  Ek weet nie hoe om hieroor te voel nie."

Sy plaas dan die sak terug op die verhoog en gaan voort met die konsert. Die popster het die naweek haar Summer Carnival-toer vir twee aande na Londen gebring as deel van die British Summer Time-fees.

Lees ook: Welkom terug by die era van ‘dom fone’

Pink se konsert het ook uit asemrowende kostuums en akrobatiese toertjies bestaan.
Die sanger het getwiet dit is ’n “vreugde” om voor aanhangers op te tree.

"@BSTHydePark dit is ’n vreugde om saam met julle almal te wees. Ek is altyd dankbaar. #blessedbeyondbelief #weouthere."

Haar aanhangers het ook hul ervarings tydens die konsert gedeel. Een aanhanger sê: "Dit was my seun se eerste konsert en hierdie liedjie beteken baie want hy is serebraal gestremd en hy moes hard werk saam met fisioterapeute sodat hy uit sy rolstoel kon kom om saam met sy suster te dans.”

Waarop Pink geantwoord het: "Dankie dat jy dit met my deel."

Ander kunstenaars wat by die BST Hyde Park gaan optree sluit in Blackpink, Guns N'Roses, Take That, Lana Del Rey, Bruce Springsteen en die E Street Band, asook Billy Joel.

Lees meer hier:  https://news.sky.com/story/bst-hyde-park-pink-stunned-after-fan-throws-mothers-ashes-on-stage-i-dont-know-how-i-feel-about-this-12910317