Offbeat
Weird Wide Web - Pienk Barbie-koors tref Brasilië─── 15:15 Tue, 18 Jul 2023
’n Bekende kitskos-franchise in Brasilië het besluit om die koms van die langverwagte Barbie-rolprent op ’n glansryke wyse te vier!
Burger King in Brasilië vier die rolprentvervaardiger Greta Gerwig se Barbie met ’n Barbie-burger. Die kitskosgroep het dit op Instagram aangekondig. Die maaltyd bestaan uit ’n spek-en-kaasburger met ’n rokerige pienk sous, Ken se aartappelskyfies en ’n vanielje-melkskommel waarby Nesquik se aarbeigeur ingeroer is. Die melkskommel word versier met ’n pienk oliebol. Dit kom alles in die spesiale Barbie Land-boks. “Nee, dit is nie plastiek nie, dit is regte kos,” lui die Instagram-inskrywing.
Die rolprent en Burger King se promosie het sosiale media behoorlik aan die gons.
Barbie is van 21 Julie in rolprentteaters in Suid-Afrika te sien.
