'n Kaliforniese provinsie se distriksprokureur het aangekondig dat 'n 17-jarige regsklerk die jongste persoon geword het om die staat se balie-eksamen te slaag.

Die Tulare County District Attorney's het in 'n nuusverklaring gesê Peter Park was 17 jaar oud toe hy die eksamen in Julie afgelê het en hy het verlede maand verneem dat hy geslaag het.

Die nou 18-jarige, wat in Augustus ’n regsklerk vir die distriksprokureur se kantoor geword het, is vandeesweek ingesweer as Kalifornië se jongste praktiserende prokureur.

Park het op 13-jarige ouderdom met hoërskool begin en vroeg vanjaar aan die regskool gegradueer.

“Dit was nie maklik nie, maar dit was die moeite werd. Dit het dissipline en strategie geverg om te slaag, en ek het dit op die ou einde gemaak. Ek is uiters geseënd om hierdie pad te ontdek, en my hoop is dat meer mense sal besef dat daar alternatiewe paaie bestaan om ’n prokureur te word,” het Park in die nuusverklaring gesê.

Lees meer. cg