Hugo bly al sedert die 1960’s by die Australian Reptile Park. Hy is die ambassadeur vir sy uiters bedreigde spesie. Sy versorgers het mettertyd opmerk dat hy eensaam is. 

Die sagte reus wat maklik 100 jaar kan leef het al stiller geword en na geselskap op ongewone plekke gesoek.

Eers het hy verlief geraak op die gans Lenny en stadig agter haar aangeloop. Daarna het hy gefokus op ’n rots wat soos ’n skilpaddop lyk. 

In ware 2025-styl het hulle vir Hugo ’n aanlyn profiel geskep waarin sy unieke sjarme, sy sagte geaardheid en natuurlik sy indrukwekkende goeie voorkoms beskryf is. Die internet was dol daaroor. Hugo se storie het vinnig wêreldwyd aandag gekry.

In Duitsland het ’n dieretuin die perfekte pasmaat vir hom gehad. Estrella (21) is ook ’n Galápagos-skilpad. Sy is opgewek en gesondheid. Die twee is per video aan mekaar voorgestel. Hulle was dadelik verlief! 

Die langafstandromanse het aangehou totdat Estrella haar kwarantyn voltooi en die groot skuif na Australië gemaak het. Toe die groot dag uiteindelik aanbreek en Hugo en Estrella mekaar vir die eerste keer ontmoet was daar onmiddellik ’n vonk. 

Volgens die versorgers het Hugo se hele houding verander en was hy vol energie en gelukkiger. 

Lees ook: Weird Wide Web – Dinge wat jy nooit sien in jou drome

Hugo en Estrella leef gelukkig saam en lê lang ure saam en bak in die son. Liefde is vir almal beskore selfs al dra jy jou huis op jou rug. 

Lees meer

OFM dg