Offbeat
Weird Wide Web – Gaan KI-gebruik dalk te ver?─── 16:09 Thu, 22 Jan 2026
’n Nederlandse paartjie het gedink ChatGPT kan hul troutoespraak meer romanties maak, maar dit blyk dat dit hul huwelik wetlik ongeldig gemaak het.
Op 6 Januarie het die Distrikshof van Overijssel ’n huwelik in April 2025 in Zwolle nieig verklaar. Dié KI-gegenereerde eed het ’n noodsaaklike frase gemis wat volgens Nederlandse wet vir ’n wettige huwelik vereis word.
LEES OOK: Daniah de Villiers lig sluier oor ‘Die kantoor’ op The Joyride
’n Vriend van die paartjie het as tydelike burgerlike registrateur opgetree en ChatGPT gebruik om ’n meer informele, poëtiese eed op te stel. Die toesprake was roerend – die paartjie het mekaar belowe om saam te lag, te groei en mekaar te ondersteun – maar die formele verklaring dat hulle mekaar as man en vrou aanvaar, is nooit uitgespreek nie.
Nederlandse wetgewing is streng: sonder daardie verklaring bestaan die huwelik nie, selfs al het almal teenwoordig geglo dit is amptelik. Die paartjie het die hof gevra om ten minste die datum as hul troudag te erken, maar dié versoek is van die hand gewys.
Die les? KI kan dalk help met kreatiwiteit – maar nie met wetlike vereistes nie. Veral nie wanneer dit by liefde én die reg kom nie.
