Burrows slyp al dekades lank sy tegniek en sê dit is beslis nie iets wat jy oornag leer nie. Hy het reeds in 2009 ’n wêreldrekord opgestel deur drie vensters van net meer as een meter by een meter elk binne ’n ongelooflike 9,14 sekondes vlekkeloos skoon te maak. Dié rekord staan vandag nog.

Die kompetisie is baie moeiliker as wat dit klink.

Elke deelnemer kry presies dieselfde toerusting: ’n 300 millimeter-vensterwasser, 'n 350 millimeter-aanwender, ’n emmer water, skoonmaakmiddel en ’n lap. Daarna moet hulle drie vensters so vinnig én so netjies moontlik skoonmaak.

Lees ook: Weird Wide Web – Ontmoet Japan se yskas vir mense

Drie beoordelaars inspekteer elke venster sorgvuldig. Elke druppel, streep of merk kos die deelnemer ekstra tyd, en selfs die kleinste fout kan die verskil tussen wen en verloor beteken.

Die wenner stap weg met ongeveer R24 000 se prysgeld, maar volgens die deelnemers is die grootste beloning die spogregte om as die wêreld se beste vensterwasser bekend te staan.

So, die volgende keer as iemand sê vensters was is nie ’n sport nie, kan jy hulle gerus vertel daar is selfs ’n Wêreldbeker daarvoor!

Lees meer sm