Die idee was om ’n spesifieke mot, die Eloria noyesi, as ’n soort biologiese wapen teen kokaplante te gebruik. Dit is die plant waaruit kokaïen vervaardig word. En ons praat nie van ’ paar motte wat toevallig deur die oerwoud fladder nie.

Die plan was om duisende der duisende van die insekte te teel en hulle oor kokaplantasies in Peru vry te laat – moontlik deur hulle met helikopters oor die plantasies te versprei.  Die motte is as besonder belowend beskou omdat hulle op kokaplante voed.

Britse amptenare het eintlik reeds gesien wat gebeur wanneer groot swerms van hierdie motte natuurlik in Peru voorkom. Tussen 1987 en 1988 het swerms glo sowat 2 000 hektaar se onwettig verboude koka vernietig, wat volgens skattings dwelmhandelaars meer as R650 miljoen in vandag se Suid-Afrikaanse geld gekos het.

Een Britse verslag het selfs voorgestel dat die mot as ’n soort “slimbom” kon optree, omdat dit spesifiek op kokaplantasies sou fokus en skade oor ’n relatief klein gebied kon veroorsaak. Die Peruaanse regering het Brittanje glo gevra om met die ontwikkeling van die idee te help. Britse militêre wetenskaplikes by die hoogs geheime Porton Down-navorsingsinstelling is glo gevra om te ondersoek of die motte in voldoende getalle geteel kon word.

Verbasend genoeg is die plan as redelik prakties beskou. Een dokument het bevind dit sou relatief goedkoop en eenvoudig wees, terwyl ’n ander aangedui het dat Thatcher die voorstel interessant genoeg gevind het om verder ondersoek te word.  Maar ondanks al die beplanning het Brittanje se groot Motte teen Kokaïen-operasie nooit van die grond af gekom nie.

Lees ook: Conspiracy Corner – Murder or owl attack? The mystery of Kathleen Peterson

Die projek is eindelik laat vaar, glo omdat die Peruaanse regering nie die nodige finansiële ondersteuning kon bied nie. Brittanje het reeds sowat R2,3 miljoen aan die ontwikkeling van die plan bestee. So, êrens in die stowwerige argiewe van die Britse regering se geskiedenis lê daar ’n verhaal oor ’n eerste minister, geheime militêre wetenskaplikes en ’n voorgestelde lugaanval deur ’n leër van koka-etende motte.

En eerlikwaar … selfs James Bond het nooit so ’n vreemde hulpmiddel gehad nie!

Lees meer sm