Die 24-jarige Grace Vicente is glo omstreeks 23:00 op Donderdag 27 Augustus gesien toe sy in ’n ambulans buite die Talking Stick Resort Amphitheatre in Phoenix klim. Die ambulans was buite die konsertterrein geparkeer om mediese ondersteuning vir die vertoning te verskaf. Volgens berigte het paramedici die voertuig verlaat en die sleutels in die voertuig gelos.

En toe, volgens die polisie, het Vicente glo agter die stuur ingeklim en die ambulans ’n entjie bestuur voordat sy teen ’n ander voertuig gebots het.  Die polisie is ontbied en Vicente is op die toneel in hegtenis geneem. Sy is later aangekla van bestuur onder die invloed van drank en diefstal van ’n voertuig.

Die bestuurder van die ander voertuig is hospitaal toe geneem, maar gelukkig was die persoon se beserings nie lewensgevaarlik nie.  Vicente se prokureur het aan plaaslike media gesê sy het spesifiek na Arizona gereis vir die konsert en beskryf die beweerde voorval as iets wat heeltemal uit haar karakter is.

Lees ook: Weird Wide Web – Hierdie tiener woon al 5 jaar in 'n dam

Die voorval het plaasgevind terwyl Avenged Sevenfold en Good Charlotte op ’n gesamentlike toer deur die Verenigde State was. Die toer het op 25 Julie in Missouri begin, waarna die groepe dwarsoor Amerika opgetree het voordat hulle die toer op 30 Augustus in Los Angeles afgesluit het.  Dit is steeds nie duidelik waarom Vicente glo in die ambulans geklim het nie.

Die saak is steeds aan die gang. As hierdie storie ’n mens enigiets leer, is dit dat punk rock beslis nog leef … en dat die millennial-gees om soms ’n ongelooflik twyfelagtige besluit by ’n konsert te neem, blykbaar ook nog springlewendig is.

En elke millennial wat al ooit ná ’n konsert huis toe gekom het met ’n rookreuk aan hul klere en een of ander swak besluit op hul gewete, dink: “Uiteindelik. Gen Z verstaan dit.”

Lees meer sm