Rugby
Chris Rossouw uit vir die seisoen─── 16:39 Sun, 05 Oct 2008
Hendrik Cronjé en Servaas de Kock
Bloemfontein. - Die Bok-losskakel Chris Rossouw sal nie weer vanjaar in die Absa-Curriebeker-reeks in aksie wees nie.
Die agterlynafrigter van die Cheetahs, Hawies Fourie, sê Rossouw sal minstens ses weke langs die kantlyn sit.
Adriaan Strauss (haker) en Magic Robert Ebersohn (senter) is wel vir Saterdag se Curriebeker-halfeindstryd teen die Blou Bulle op Loftus Versfeld beskikbaar.
"Die erns van David de Villiers (slot) se enkelbesering is egter nog nie bekend nie," sê Naka Drotské as hoofafrigter van die Cheetahs.
De Villiers het sy enkel in die Cheetahs se sege van 50-40 oor die Boland-Kavaliers beseer.
