Die burgerregte-organisasie beklemtoon in die brief aan Mkhize dat die organisasie tans meer as 235 000 individuele lede het, waarvan die meerderheid hul onderskeie gesinne verteenwoordig. 

“Dit is belangrik dat stappe gedoen word om die verspreiding van dié virus te beperk, maar dit is ook belangrik dat daar nie onnodige paniek gesaai word nie en dat mense met geloofwaardige en betroubare inligting bemagtig word. AfriForum kan op albei terreine ’n sinvolle rol speel,” sê Ernst Roets, AfriForum se Hoof van Beleid en Aksie.
 
AfriForum het ook sy beskikbaarheid aangedui om betrokke te raak by die proses om inligting waarvan die geloofwaardigheid getoets is, onder sy lede te versprei en ’n gesprek met die Departement van Gesondheid versoek.

Verklaring verskaf.