South Africa
Dié mayonnaise nie meer op SA winkelrakke─── 17:46 Tue, 31 Jan 2023
Liefhebbers van mayonnaise mag dalk spyt wees om te hoor dat 'n gunsteling-handelsmerk binnekort nie meer op winkelrakke in Suid-Afrika beskikbaar sal wees nie.
Of dalk nié – Unilever, wat die produk invoer, het bevestig dat Hellmann se mayonnaise weens lae verbruikersaanvraag in Suid-Afrika gestaak word, aldus ‘n berig deur The South African.
Die skuld word ook voor die deur van hoë invoerkoste gelê.
Hellmann se mayonnaise is 118 jaar gelede - in 1905 - vir die eerste keer in New York deur Richard Hellman gemaak en kan in winkels regoor die wêreld gevind word – net nie Suid-Afrika nie.
Die mayonnaise is deel van ‘n langer-wordende lys van produkte wat nie meer in Suid-Afrika beskikbaar is nie, waaronder Redro-vissmeer, Peck's Anchovette, Cadbury's Tempo-sjokolade, Chocolate Log-sjokolade en Simba's All-Gold-aartappelskyfies.
