In die video kan gesien word hoe die gewapende beamptes drie mans uit 'n VW Polo sleep voordat hulle beurte maak om die ongewapende slagoffers gewelddadig te skop terwyl hulle op die pad lê.

[Read] National Police Commissioner, General Fanie Masemola, has confirmed that eight members of the SAPS implicated in the video which shows the assault of three civilians on the Gauteng highway, have been issued with suspension notices https://t.co/d5QpQD9r7n pic.twitter.com/RoR3jXFnKF

— @SAgovnews (@SAgovnews) July 6, 2023

Dit is sedertdien bevestig dat die spesifieke BBP-beskermingseenheid dié van adjunkpresident Paul Mashatile is.

Fannie Masemola, nasionale polisiekommissaris, het Donderdag in Vanderbijlpark onthul dat agt beamptes van die BBP-beskermingseenheid skorsingsbriewe gekry het.

Die onafhanklike polisieondersoekdirektoraat het bevestig verskeie aanklagte word teen die mans ondersoek, insluitende aanranding met die doel om ernstig te beseer, opsetlike saakbeskadiging, en die rig van 'n vuurwapen.

Masemola sê die agt lede is “tydelik verwyder” uit hul poste hangende die uitslag van die ondersoek.

Police say the process to track the victims of an alleged assault by police is under way. In a statement, the SAPS says the process began after they were made aware of a video currently circulating on social media.#MorningLive #SABCNews pic.twitter.com/9WKKarRuCt

— MorningLiveSABC (@MorningLiveSABC) July 4, 2023

Volgens die Suid-Afrikaanse Nasionale Weermag is die drie slagoffers weermaglede wat militêre polisieopleiding in Pretoria ondergaan.

‘Ek is nie oukei nie’: Bestuurder lê klag van aanranding

Die bestuurder van die voertuig, L’vaughn Fisher, het sedertdien ’n klag van aanranding, met die doel om ernstig te beseer, by die Sandton-polisiekantoor aanhangig gemaak.

Die niewinsgewende organisasie Action Society se direkteur van gemeenskapsveiligheid, Ian Cameron, het met Fisher gepraat, wat Woensdag nog mediese behandeling moes ontvang vir sy beserings.

“Hy is met 'n aanvalsgeweer oor die kop geslaan en toe herhaaldelik teen sy kop geskop. Hy was reeds bewusteloos nadat hy met ’n geweer geslaan is. Nadat ons oor sy fisieke beserings gepraat het, het ek gevra hoe dit emosioneel was. Hy het stil geword en na 'n lang onderbreking het hy gesê: Ek is nie oukei nie,” het Cameron vir Fisher aangehaal in 'n verklaring wat deur Action Society uitgereik is.

Cameron het bygevoeg dat Action Society 'n amptelike mandaat van Fisher verkry het om hom by te staan met misdadige en moontlike siviele aanklagte teen die beamptes van die SAPD, die betrokke bevelvoerders, asook Bheki Cele, minister van polisie.

Wat presies het gebeur?

Volgens Fisher se verslag van gebeure, wat tot die aanranding gelei het, was hulle van Johannesburg na Pretoria onderweg toe 'n swart sportnutsvoertuig, ’n BMW X5, skielik langs hul voertuig verskyn het.

Een van die BMW se insittendes het na bewering ’n aanvalsgeweer op Fisher gerig wat agter die stuur was.

Cameron sê Fisher en sy passasiers se eerste gedagte was dat hulle gekaap gaan word. Uit vrees vir hul lewe het Fisher aanhou ry in die hoop om van die "kapers" te ontsnap, maar hulle is later van die pad gedwing en vasgetrek.

Fisher sê daar was geen flikkerende blou ligte of sirenes om die insittendes van die BMW as polisie te identifiseer nie.

OFM Nuus