Die Springbokke verwag ’n brutale stryd teen Tonga dié naweek in hul laaste Rugby Wêreldbeker-uitspeelwedstryd Sondag in Marseille. 

Hulle het die belangrikheid beklemtoon om akkuraat te wees op die aanval én verdediging om ’n plek in die kwarteindrondte te bespreek. Die Bokke is tweede op die puntelys in Poel B met 10 punte, vier agter Ierland, wat met 14 punte in dié groep voorloop. Die wedstryd in Stade de Marseille skop Sondag om 21:00 af.

Handre Pollard makes a return to the Springboks line-up for their final #RWC2023 Pool match ??

Peep the number 7??#StrongerTogether pic.twitter.com/FvAyeRq3k9

— SuperSport Rugby (@SSRugby) September 27, 2023

MultiChoice en die SAUK het op 7 September ’n ooreenkoms bereik dat die openbare uitsaaier 16 van die Wêreldbekertoernooi se 48 wedstryde mag beeldsend. MultiChoice het gesê die ooreenkoms behels al die Springbokke se wedstryde in Frankryk, sowel as die eindstryd.

@Eskom_SA about the SA rugby match on Sunday evening....do us all a solid for 2 hours please...

— Astrolab (@astrolab0123) September 29, 2023

Eskom het Vrydag (29/9) aangekondig dat fase 3-beurtkrag van 16:00 tot Saterdag 05:00 geld. Daarna word onderbrekings Saterdag en Sondag tussen 05:00 en 16:00 opgeskort. Fase 2-beurtkrag word Saterdag en Sondag tussen 16:00 en 05:00 toegepas.

Daphne Mokwena, Eskom-woordvoerder, het gesê die beperkte kragonderbrekings is danksy die volgehoue verbeterde prestasie van opwekkingsbeskikbaarheid sowel as die verwagte laer aanvraag oor die naweek. Eskom hoop daarom om kragonderbrekings die naweek te beperk.

OFM Nuus