Die Verkiesingskommissie (OVK) het bevestig dat 18 000 Suid-Afrikaners wat in die buiteland woon, al geregistreer het om te stem deur sy aanlyn registrasieportaal.

Die OVK het Donderdag inligting verskaf oor hul gereedheid vir die registrasienaweek vir Suid-Afrikaners wat in die buiteland woon voor die verkiesing in 2024.

Janet Love, verkiesingskommissaris, het Suid-Afrikaners wat in die buiteland woon, aangemoedig om hul stemreg uit te oefen.

“Dié 18 000 is ’n syfer van mense wat aanlyn geregistreer het deur ons nuut-ontwikkelde portaal te gebruik. Dit verteenwoordig nie ’n aantal mense wat dalk voorheen geregistreer het nie, maar ons moedig hulle aan om hul registrasiebesonderhede na te gaan.”

Calling South Africans Abroad! Registration weekend is approaching – 26 /27 or 27/28 January. Check dates and times at your SA mission and play your part in the upcoming #SAelections24. #RegisterToVote pic.twitter.com/2ARRO5jO3f

— IEC South Africa (@IECSouthAfrica) January 19, 2024

Love sê hulle kyk na die verbetering van die registrasie- en stemproses om die oorgang na die tegnologiese era te akkommodeer.

“Ons het nog nie die opsie om aanlyn te stem nie. Die OVK het al hoe meer gekyk na maniere om tegnologie te gebruik en dit is duidelik ’n behoefte, nie net vir mense wat in die buiteland woon nie, maar vir alle Suid-Afrikaners.”

Sy Mamabolo, hoofverkiesingsbeampte van die OVK, sê Suid-Afrikaanse konsulate en ambassades sal oor dié twee dae kieserregistrasies gedurende werkure doen.

Attention South Africans abroad! The countdown to your registration weekend has begun! Don't miss out on your chance to register. Visit your SA mission on 26/27 or 27/28 Jan. Check dates and times with your mission. Let's make our voices heard! ??? #RegisterToVote #SAelections24 pic.twitter.com/nVN1MWVRYD

— IEC South Africa (@IECSouthAfrica) January 25, 2024

“Registrasie vereis ’n Suid-Afrikaanse identiteitsdokument en ’n Suid-Afrikaanse paspoort.

Mamabolo het bygevoeg dat die Departement van Internasionale Betrekkinge en Samewerking hulle ingelig het dat ambassades en konsulate in Oekraïne, Israel en Soedan tydelik gesluit is weens veiligheidskwessies.

“Ons sal die beste moontlike stappe doen om te verseker dat almal aan hierdie demokratiese proses deelneem. Ons moedig burgers in hierdie lande aan om met behulp van die aanlyn portaal te registreer.”

OFM Nuus cg/dg