Swendelaars het die kuns bemeester om iets op sosialemediaplatforms te plaas waarin hulle weet mense sal belangstel en die pryse van daardie produk of item te verlaag. Verbruikers trap in hul strik omdat hulle die produk teen ’n beter prys wil hê.

Verbruikers wat e-posse ontvang oor transaksies waarin hulle belangstel, moet ’n volledige evaluering van die verkoper en die produk doen, en as dit te goed klink om waar te wees, moet hulle dit blok en uitwis.Dit word koop- en verkoopreëls genoem volgens Mike Bolhuis, ’n spesialisondersoeker.

“Kliënte moet nooit ’n skakel of iets oopmaak as hulle nie weet waaroor dit gaan nie. Maar as dit iets is waarin hulle belangstel, moet hulle ’n volledige keuringsevaluering en -identifikasie, risiko-ontleding doen,” is Bolhuis se raad.

Verbruikers moet ’n volledige evaluering van die verkoper en die produk doen. Foto: pixabay.com.

“Kortom beteken dit jy moet die maksimum inligting daaroor kry en as dit te goed klink om waar te wees, is dit ’n bedrogspul.”

Wanneer ’n voertuig byvoorbeeld op Facebook se Market Place gekoop word, moet verbruikers die koper- en verkoperreël volg: Die belangrikste en nommer een op die lys is om nooit uit te ry om te kry wat jy wil koop nie. Jy moet die koper op ’n veilige plek ontmoet vir jou as koper of by ’n polisiekantoor om die produk vir kontant te ruil.

As dit ’n motor is wat verkoop word, moet dit by ’n plek aangebied word nadat jy jou ondersoeke gedoen het en op jou voorwaardes as die koper. Hierdie voertuig moet padvaardig wees; so dit is uiters belangrik om jou werktuigkundige saam te neem. Dit moet ook by ’n polisiekantoor nagegaan word.

Ontmoet die verkoper op ’n veilige plek. Foto: Facebook/Mike Bolhuis.

“Swendelaars volg al die reëls om ’n verkoper te wees, maar wanneer dit by die betaling kom, maak hulle ’n valse betaling wat nie in jou bank weerspieël nie. Gewoonlik stuur hulle e-posbewyse van betalings wat lyk na die ware jakob, maar dit is nie.”

OFM Nuus/Zenande Mpame dg