South Africa
3 vermeende stropers in Krugerwildtuin doodgeskiet─── 10:58 Thu, 20 Jun 2024
“Die twee voorvalle in die Krugerwildtuin binne vier dae wys net onder watter gevaarlike toestande veldwagters werk.”
Drie vermeende stropers is in afsonderlike skietgevegte met veldwagters in die Krugerwildtuin dood.
Suid-Afrikaanse Nasionale Parke (Sanparke) sê die jongste voorval het laat Dinsdagaand (18/6) plaasgevind toe veldwagters ’n gewapende groep teëkom. Veldwagters het beslag gelê op ’n swaarkaliberjaggeweer, ammunisie en stroperytoerusting, sê JP Louw, Sanparke-woordvoerder.
Three suspected rhino poachers have been killed at South Africa’s (SA) Kruger National Park, in two separate incidents, the Park’s management says.
— Channel Africa (@channelafrica1) June 20, 2024
Read ?? https://t.co/BxvVldioAo#ChannelAfrica #SABCNews pic.twitter.com/BuFE1zvZwX
Hy sê veldwagters was verlede Vrydag ook in ’n skietgeveg met vermeende stropers betrokke. Een verdagte is in dié voorval noodlottig gewond. “Die twee voorvalle in die Krugerwildtuin binne ’n tydperk van vier dae is ’n voorbeeld van die gevaarlike toestande waaronder veldwagters werk.”
A former poacher, turned state witness in the Joseph "Big Joe" Nyalunga trial who cannot be named, has told the Mbombela High Court how they would enter Kruger National Park with marked police vans to poach rhinos. https://t.co/GmdWbI5iyw
— Xpose Trophy Hunting (@XposeTrophyHunt) March 25, 2024
Hy sê dit illustreer ook die dreigemente van swaargewapende, vermeende stropers wat hulle die hoof moet bied. “Aanvalle op die oosgrens is steeds meedoënloos en die teenstropery-eenhede verkeer onder groot druk.
“Sanparke ondersoek ook talle ingrypings wat gemeenskapsmobilisering en ondersteuning insluit om weerstand te bied teen die voortdurende stroperydreigemente,” sê Louw.
Die polisie ondersoek albei sake.
OFM Nuus cg/dg