South Africa
Vreugde vir motoriste by petrolpomp in Januarie─── 10:25 Sat, 27 Dec 2025
Die jongste data van die Sentrale Energiefonds (SEF) aan die einde van die vierde week van Desember toon motoriste kan 'n laer petrolprys in die nuwe jaar verwag.
BusinessTech berig die petrolprys het sedert die begin van die maand positief verstewig. Die verwagte verlaging word op tussen 46c en 51c per liter bereken.
Die dieselprys vaar selfs beter en 'n afname van tot 124c en 136c per liter word verwag.
Hier is die verwagte prysveranderinge aan die einde van week vier:
Petrol 93: afname van 46c per liter
Petrol 95: afname van 51c per liter
Diesel 0.05% (groothandel): afname van 124c per liter
Diesel 0.005% (groothandel): afname van 136c per liter
Paraffien: afname van 85c per liter
Met minder as 'n week oor is 'n petrol- en dieselprysverlaging op hierdie stadium so te sê gewaarborg.
Die verlaging is te danke aan beide 'n sterker rand en 'n swakker olieprys, met beide faktore wat plaaslike motoriste bevoordeel.
Die verandering in brandstofpryse tree op die eerste Woensdag van die nuwe jaar (7 Januarie) in werking. Die departement van minerale en petroleum hulpbronne sal die amptelike veranderinge vooraf bekend maak.
• Het jy ’n nuuswenk om te deel? Skakel of whatsapp die OFM Nuus-lyn: 066 487 1427.
OFM News cvdw
