Bestanddele:

5-6 koppies (1.25L-1.5L) water

½ eetlepel (7 ml) sout + ekstra vir geurmiddels

3 koppies (750ml) wit mieliemeel

3 koppies (750 ml) olie, vir diepbraai

1 ui, gekap

2 rooi soetrissies, ontpit, in blokkies gesny

2 pakkies (200g elk) spekvleis, in blokkies gesny

3 knoffelhuisies, gekap

1 teelepel (5 ml) gerookte paprika

½ teelepel (3ml) gemaalde komyn

½ teelepel (3ml) gemaalde koljander

Handvol gekapte vars kruie (soos pietersielie of tiemie)

2 eetlepels (30 ml) botter

3-4 skyfies (100g) feta, gekrummel

Meel, vir bedek

2 eiers, geklits

2 koppies (500 ml) panko of gewone broodkrummels

Pesto en gekapte pietersielie, vir opdiening (opsioneel)

Metode:

Om 'n stywe pap te maak, bring die helfte van die water tot kookpunt en voeg sout by.
Meng mieliemeel en oorblywende koel water om 'n loperige pasta te vorm.
Voeg by die kookwater in die pot terwyl jy sterk klits, en laat dit weer kook, steeds klitsend.
Kook die pap, roer dit af en toe, vir 10-15 minute – dit sal verdik en ’n gaar film op die basis van die pot vorm.

Verwyder van hitte en hou eenkant.
Verhit ’n bietjie olie in ’n pan en braai die ui, soetrissies en spek tot goudbruin.
Voeg knoffel by en kook vir sowat 1 minuut.
Roer spekmengsel by pap, saam met die speserye, kruie, botter en feta – dit werk die beste terwyl pap nog warm is.

Skep pap in ’n oondbak om af te koel en rol dan in gholfbalgrootte balletjies.
Rol balletjies in meel, eier en broodkrummels.
Herhaal vir 'n tweede laag krummels.
Verhit die olie in ’n pot en diepbraai balletjies vir 3-4 minute tot goudbruin. Dreineer op kombuispapier en geur terwyl warm.
Sit warm happies voor met pesto en pietersielie as voorgereg.