Food
What's on the Menu – Smullekker hoenderpotjiekos─── 17:15 Thu, 09 May 2024
![What's on the Menu – Smullekker hoenderpotjiekos What's on the Menu – Smullekker hoenderpotjiekos | News Article](https://oscar.ofm.co.za/img/c9210296-4ee7-40f7-9d23-f97ae12ba4b1.jpg?crop=36,0,765,410)
Sjef Maradine se resep vir hoenderpotjiekos is ideaal vir die winter.
Hoenderpotjiekos
Bestanddele
45 ml (3 eetlepels) groente-olie
1 kg hoenderdye
15 ml (1 e) hoenderspeserye
4 lourierblare
5 ml (1 tl) tiemie
4 swartpeperkorrels
45 ml (3 eetlepels) blatjang
500 g wortels, geskil en in skywe gesny
6 aartappels, geskil en in skywe gesny
200 g knopiesampioene
1 pot hoenderaftreksel
500 ml (2 koppies) warm water
30 ml (2 eetlepels) mielieblom (opsioneel)
Heerlike hoenderpotjie. Foto verskaf
Metode:
Verhit die olie in 'n gietysterpotije oor warm kole, of in 'n swaarboompot op die stoof. Sprinkel die hoenderdy met hoenderspeserye en braai, 'n paar stukke op 'n slag, tot goudbruin. Voeg die lourierblare, tiemie, peperkorrels en blatjang by en roer goed.
Plaas die wortels, aartappels en sampioene in lae bo-op die hoenderstukke. Los die hoenderaftreksel op in die water en voeg dit by die potjie. Sit die deksel op en prut oor lae kole vir sowat 1 uur en 20 minute, of tot hoender en aartappels gaar is.
As jy jou potjie wil verdik, meng die mielieblom tot 'n pasta met 'n bietjie water, voeg dit by die pot en kook tot verdik.
OFM Nuus dg