Hierdie dag word jaarliks op die 15de Oktober gedenk.

Volgens die Suid-Afrikaanse regering [https://www.gov.za/GlobalHandwashingDay2022] is dit 'n geleentheid om maniere te ontwerp, te toets en hierdie kreatiewe idees te herhaal om mense aan te moedig om op kritieke tye hul hande met seep te was.

“Sedert die eerste Wêreldwye Handewasdag in 2008, toe meer as 120 miljoen kinders regoor die wêreld hul hande met seep in meer as 70 lande gewas het, het gemeenskaps- en nasionale leiers Wêreld Handewasdag gebruik om die woord oor handewas te versprei, wasbakke en waterkrane gebou en gewys hoe eenvoudig dit is om die waarde van skoon hande bloot te lê.”

Wêreldwye Handewasdag is ontwerp om:

• 'n Globale en plaaslike kultuur van handewas met seep te kweek en te ondersteun.

• 'n Kollig op die stand van handewas regoor die wêreld te werp.

• Bewustheid oor die voordele van handewas met seep te skep.

Hierdie belangrike dag dien ook as 'n oproep vir alle Suid-Afrikaners om gereeld hande te was, veral nadat hulle die toilet gebruik het, babadoeke geruil het, afval hanteer het en voordat kos voorberei word.

Het jy geweet, diarree en longontsteking is die hoofoorsake van dood vir kinders onder die ouderdom van vyf?

Dit is volgens die Global Handwashing Partnership, wat sê handwas met seep is een van die doeltreffendste en goedkoopste maniere om hierdie siektes te voorkom.

"Hierdie eenvoudige gedrag kan lewens red, diarree met byna die helfte verminder en akute respiratoriese infeksies met byna 'n kwart. Handewas met seep beïnvloed nie net gesondheid en voeding nie, maar ook onderwys, ekonomie en billikheid.”