Tien jaar gelede het hy 40 dae lank deur Spanje gestap – meer as 1 000 km, vertel hy aan die Good Morning Breakfast-span. Hy beklemtoon dat selfs korter roetes, soos 100 km, ’n uitdaging kan wees sonder behoorlike voorbereiding. 

Sy raad? Begin eenvoudig. Stap gereeld om jou blok of woonbuurt, neem jou hond saam, en probeer ’n Parkrun op ’n Saterdagoggend. Dit bou uithouvermoë en lê gewoontes vas. 

Erns beveel aan dat ’n mens minstens twee tot drie maande voor die Camino gereeld moet stap en die afstand geleidelik moet verleng, soos wanneer jy vir ’n marathon sou voorberei.

Hy het onlangs drie groepe op verskillende sewe dag roetes in Spanje begelei. Elke pelgrim stap teen sy of haar eie pas, rus waar hulle wil, en geniet die vryheid van die Camino. Die aande kuier die groep saam oor ’n ete. 

Volgens Erns maak goeie voorbereiding die ervaring soveel ryker – fisiek, emosioneel en geestelik.

Vir dié wat nie na Spanje kan reis nie, is daar ook plaaslike roetes in Suid-Afrika, soos by Clarens. Erns werk saam met ’n pelgrimsgids van Stellenbosch wat al jare lank mense help om hul Camino-drome te verwesenlik.

Vir nog oor Erns se Camino-reise, besoek ofm.co.za en klik op Get Wise Wednesday.

OFM Nuus  cvs/mc/mvh