Die veldwagter, Kylee Gray, van die Conway-nasionale park het die vroulike rietpadda terstond Toadzilla gedoop.

Haar indrukwekkende gewig is glo 'n wêreldrekord vir paddas. Terwyl rietpaddas wel groot is, is hulle geneig om tussen ‘n halwe en sowat 1,3 kg te weeg.

Gray, wat stilgehou het om 'n slang toe te laat om die pad te kruis, sê sy was geskok toe sy afkyk en 'n padda so groot soos 'n “pasgebore baba” te sien.

"Ek kon nie glo hoe groot en swaar dit was nie."

Gray en haar veldwagter-kollegas glo dat die padda vroulik is, aangesien wyfies geneig is om groter as die mannetjies te wees. En hoewel hulle nie heeltemal seker is van Toadzilla se ouderdom nie, kan rietpaddas tot 15 jaar in die natuur oorleef.

Die veldwagters moes noodgedwonge die padda laat uitsit omdat rietpaddas ‘n uitheemse, indringerspesie spesie is. Hulle is in 1935 na Queensland gebring om suikerrietkewers te beheer maar hul mettertyd self groot skade aangerig.

Rietpaddas is inheems aan Suid- en Sentraal-Amerika en is produktiewe telers, met wyfies wat tot 30 000 eiers in 'n seisoen lê. Hulle het ook ‘n feitlik onbeheersde eetlus en sal op lewende en dooie materie voed, insluitende klein knaagdiere, vlermuise, reptiele en voëls.

Daarby is die rietpadda ook hoogs giftig en bevat selfs as paddavissie 'n gifklier wat dodelik is vir diere wanneer dit ingeneem word.

Sowat 100 rietpaddas is in 1935 aan Australië bekendgestel – vandag kan die getal meer as 200 miljoen wees.

Dus, hoewel Toadzilla ongetwyfeld fassinerend is en in die Queensland-museum kan beland, het die veldwagters behoorlike stappe gedoen om al die wild in die park te beskerm.

My Modern Met