International
Japannese radys weeg swaarste ter wêreld─── 07:13 Wed, 15 Mar 2023
’n Japannese maatskappy het ’n Guinness-wêreldrekord geoes toe sy werknemers ’n bielie van ‘n radys gekweek het. Dit weeg 45,865 kg, die wêreld se swaarste radys tot dusver.
Die maatskappy, Manda Fermentation Co., spesialiseer in aanvullings en kunsmis vervaardig van gefermenteerde plante. Hy gebruik sy tegnologie om reuse-radyse te kweek, sê Guinness-wêreldrekords.
Radyse word gewoonlik ná drie maande geoes, maar hierdie radys is gelos om ses maande lank te groei, en te groei, en te groei …
Dit het 'n omtrek van 113 cm en ‘n wortellengte van 80 cm.
