Die dodetal het met 12 gestyg nadat nog sterftes in Lahaina aangemeld is. Dit die dodelikste natuurramp in dié staat se geskiedenis sedert ’n tsoenami in 1960 61 lewens op die Groot Eiland van Hawaii geëis het.

Die ondersoek kom te midde van toenemende vrae oor hoekom sirenes na bewering nie in Lahaina gehoor is nie en kommer dat inwoners nie vroeër van die gevaar ingelig is nie, wat hulle meer tyd sou gee om te vlug.

In 'n onderhoud op HawaiiNewsNow, of HNN, kon goewerneur Josh Green nie 'n rede verskaf waarom die sirenes nie gebruik is nie.

At least 50 people have been killed in HAWAII wild fire in the US. pic.twitter.com/IJqRHSgeVy

— Axis Structures (@Osakhu) August 11, 2023

“Natuurlik sal mense daardie vraag vra. Ons sal altyd probeer om mense meer te beskerm. Uiteindelik sal daardie vrae deur die noodreddingswerkers se bestuur beantwoord word,” het hy gesê.

HNN berig Maui-inwoners en besoekers is Vrydag toegelaat om terug te keer na dele van die brandgeteisterde Lahaina terwyl die grusame soektog na nog brandslagoffers voortduur. Vrydagmiddag het die polisie egter die toegangsroete na die brandgeteisterde Lahaina gesluit te midde van kommer oor veiligheid.

Green het beraam dat meer as 1 000 strukture vernietig is - en dat herstel miljarde dollars en baie tyd sal neem. “Wanneer jy die volle omvang van die vernietiging in Lahaina sien, sal dit jou skok,” het hy gesê. “Dit lyk of ’n bom afgegaan het.”

Owerhede het gesê West Maui het in hierdie stadium geen krag- of selfoondiens nie.

Good morning everyone,

Our Thoughts to the islands of Hawaii that are all enduring wild fire outbreaks is just heart breaking. The stories that will come out will be devastating.

At least 6 people have died, others missing and dozens of homes and structures destroyed as a… pic.twitter.com/QTAxI60BHX

— Kernow Weather Team (@KWTWeather) August 10, 2023

Die drie Maui-brande – buiten Lahaina was daar ook brande in Pulehu en Upcountry – is laat Woensdag in bedwang gebring, het genl.maj Kenneth Hara gesê, maar die 120 brandbestryders het steeds die situasie dopgehou.

Volgens die burgemeester van Maui, Richard Bissen, bly die distrik in 'n "soek-en-reddingsmodus", en 'n ondersoek na die oorsprong van die Lahaina-brand het nog nie begin nie.

Die dodetal sal waarskynlik verder klim namate reddingswerkers, bygestaan deur opgeleide honde, die dorp se verkoolde ruïnes fynkam.

Daar is ses skuilings op die eiland, en amptenare het gesê hulle berei 'n plan voor om die nuwe haweloses in hotelle en toeriste-huureiendomme te huisves.

Amptenare het inwoners in Lahaina en die naburige dorp Kula, wat lopende water het, gewaarsku dat dit dalk besmet is en dat hulle dit nie moet drink nie.

Hulle het ook aanbeveel om net kort, louwarm storte "in 'n goed geventileerde kamer" te neem om blootstelling aan moontlike chemiese dampe te vermy.

Was daar enige waarskuwing?

’n Dodelike tsoenami op die Groot Eiland in 1946 het die ontwikkeling van ’n noodstelsel in Hawaii met sirenes aangespoor om teen natuurrampe en ander bedreigings te waarsku.

Baie brandoorlewendes het egter gesê dat hulle geen sirenes gehoor het of 'n waarskuwing ontvang het wat hulle genoeg tyd gegee het om voor te berei nie. Sommige getuies het hul verskrikking beskryf toe die brand Lahaina verteer het in ’n kwessie van minute.

Death toll climbs to 80 in Maui wildfires; search teams scour Lahaina ruins as Hawaiian officials investigate rapid spread. #MauiWildfires #LahainaFire https://t.co/o46xgGQVcz

— SABC News (@SABCNews) August 12, 2023

“Daar was geen waarskuwing nie. Daar was absoluut geen. Niemand het omgekom nie. Ons het nie ’n brandweerwa of iemand gesien nie,” sê Lynn Robinson, wat haar huis in die brand verloor het.

Bradford Ventura, brandweerhoof van Maui County, het Donderdag op ’n mediakonferensie gesê die spoed waarteen alles gebeur het, het dit "byna onmoontlik" gemaak vir noodwerkers om met die noodbestuursbeamptes te kommunikeer.

Die ontruiming van Lahaina is bemoeilik deur sy kusligging langs heuwels. Verskeie mense is gedwing om in die Stille Oseaan te spring om hulself te red.

OPDATERING: Die dodetal het intussen tot 80 gestyg toe soekspanne die smeulende rommel van Lahaina gefynkam het.

OFM Nuus