Amerika se pres. Joe Biden en die Israeliese premier, Benjamin Netanyahu, sal na verwagting Donderdag (4/4) met mekaar praat, het ’n Amerikaanse amptenaar gesê. Dit sal hul eerste oproep wees sedert sewe hulpwerkers of vrywilligers van ’n noodlenigingsorganisasie, wat voedselhulp in die beleërde Gasastrook verskaf het, Maandag in ’n lugaanval dood is.

Biden and Netanyahu call comes amid extreme mutual tensions and political pressure https://t.co/yztuDwrfUr

— Breaking News (@jooilong) April 4, 2024

Die oproep kom nadat Biden sy verontwaardiging uitgespreek het oor die dood van die vrywilligers van die VSA-gebaseerde groep, die World Central Kitchen. Hy het gesê Israel moet meer doen om hulpwerkers en burgerlikes te beskerm.

Bron: Al Jazeera

Sewe mense is Maandag in ’n Israeliese lugaanval dood toe hulle kos in Gasa afgelewer het. Die liggame van ses buitelanders – drie Britse burgers, ’n Poolse burger, ’n Australiër en ’n Kanadese-Amerikaanse burger – is Woensdag uit die Gasa-strook na Egipte vervoer voor hul repatriasie, het Egipte se staatsbeheerde Qahera TV berig. Hul Palestynse bestuurder is ook dood en sy oorskot is aan sy familie oorhandig vir sy begrafnis in Gasa.

“These are the heroes of WCK. These 7 beautiful souls were killed by the IDF in a strike as they were returning from a full day's mission. Their smiles, laughter, and voices are forever embedded in our memories.” - Erin Gore, CEO. Read more: https://t.co/4f38RQ1l4I pic.twitter.com/neAsSzKVP5

— World Central Kitchen (@WCKitchen) April 2, 2024

Die oorledenes is geïdentifiseer as die Palestyn Saifeddin Issam Ayad Abutaha (25); die Australiër Lalzawmi (Zomi) Frankcom (43); die Britte John Chapman (57), James (Jim) Henderson (33) en James Kirby (47); die Pool Damian Sobol (35); en die Kanadese-Amerikaanse burger Jacob Flickinger (33).

Netanyahu het gesê die Israeliese weermag het “per ongeluk” die hulpwerkers in die lugaanval in Gasa getref. Biden het egter ’n koor van internasionale woede gelei, en Dinsdag (3/4) het hy een van sy sterkste verklarings tot nog toe oor Israel se optrede uitgereik sedert die oorlog teen Hamas begin het ná die Hamas-aanvalle in Israel op 7 Oktober.

A deadly Israeli attack that killed seven aid workers from the non-profit World Central Kitchen in Gaza appears to have consisted of multiple precision strikes, a CNN analysis of aftermath videos and images found.

From @goodwinallegra & @GianlucaMezzo:
https://t.co/CZDWxJjqtm

— CNN International PR (@cnnipr) April 3, 2024

Biden het gesê hy is “woedend en hartseer” oor die sterftes, en bygevoeg: “Voorvalle soos gister s’n moet eenvoudig nie gebeur nie.” Die Withuis het erken dat Biden toenemend gefrustreerd raak oor Israel se versuim om hulpwerkers en burgerlikes te beskerm, ondanks herhaalde versoeke aan Netanyahu.

“Ek dink jy kan die frustrasie in Biden se verklaring aanvoel,” het John Kirby, woordvoerder van die Amerikaanse nasionale veiligheidsraad, aan verslaggewers gesê.

CNN reports on incidents of air aid parachutes falling into the water in besieged Gaza, resulting in the drowning of several Palestinians attempting to feed their families amidst shortages of food, water, and essential supplies. https://t.co/41OoQeIFGa

— Middle East Monitor (@MiddleEastMnt) March 29, 2024

Biden en Netanyahu het laas op 18 Maart gepraat toe die Amerikaanse president die Israeliese leier gevra het om nie die suidelike stad Rafah aan te val nie. Die Withuis het gesê Biden steun egter steeds Israel se “reg om homself te verdedig”.

’n Israeliese afvaardiging sal Washington volgende week besoek om die kwessie te bespreek. Netanyahu het vroeër die besoek gekanselleer uit protes teen die VSA, wat ’n mosie van die Verenigde Nasies (VN) ondersteun het vir ’n wapenstilstand in Gasa, maar Netanyahu het later weer ingestem.

Antonio Guterres, VN-hoof, het Maandag se aanval as “gewetenloos” en “onvermydelik” beskryf – die gevolg van die manier waarop die oorlog gevoer word.

Israel se gewapende magtehoof, Herzi Halevi, het die voorval ’n “ernstige fout” genoem, wat hy op nagtelike “wanidentifikasie” blameer het. “Ons is jammer vir die onbedoelde skade aan die lede van die WCK,” het hy in ’n videoboodskap bygevoeg.

"We either move forward into a rules-based world... Or we move into a world where the killing of 15,000 children is acceptable."

Dr. @GhassanAbuSitt1 tells @EleniGiokos why the killing of seven aid workers in Gaza signals a "juncture" in the conflict. pic.twitter.com/nIYfLbVbjw

— CNN International PR (@cnnipr) April 3, 2024

Netanyahu het vroeër belowe die “tragiese saak” sal “tot die einde toe” ondersoek word. Die liefdadigheidsorganisasie het gesê hulle rou oor die verlies van die sewe “helde” en “lieflike siele”. Daar word beweer dat hulle dood is in ’n “geteikende aanval” wat gedoen is ten spyte daarvan dat die groep sy bewegings met Israeliese magte gekoördineer het.

WCK’s Juan Camilo is off the coast of Cyprus as our second maritime aid shipment loaded with hundreds of tons of food bound for Gaza sets sail. We opened this route alongside our partners so as much food as possible reaches Palestinians facing imminent famine.#ChefsForThePeople pic.twitter.com/kVsuKu9nEi

— World Central Kitchen (@WCKitchen) March 30, 2024

Ná die hulpwerkers se dood het die liefdadigheidsorganisasie bedrywighede opgeskort en ’n skip wat voedselhulp van Ciprus na Gasa vervoer het, het teruggedraai na die Mediterreense eiland met ongeveer 240 ton voorraad wat nie afgelaai is nie.

Talle wêreldleiers het intussen dié dodelike lugaanval op Gasa veroordeel. Minstens 203 hulpwerkers is sedert 7 Oktober in Gasa vermoor, volgens die Aid Worker Security Database.

OFM Nuus cg