Local News
Betogers versper R503 tussen Mahikeng en Lichtenburg─── 16:33 Mon, 28 Apr 2014
Mahikeng - Die polisie in Noordwes het rubberkoeëls gebruik om betogers uiteen te jaag nadat inwoners van die Rooigrond informele woongebied die R503 tussen Mahikeng en Lichtenburg met klippe versper het.
Die huis van 'n munisipale beampte is ook afgebrand. Meer as 50 mense is in hegtenis geneem en sal môre in die Mmabatho-landdroshof verskyn.
Die ontevrede inwoners van die gebied sê hulle is sedert 1994 steeds sonder basiese dienste.
Hulle het die polisie ook van wreedheid beskuldig.
Die polisiewoordvoerder, Thulani Ngubane het die aantygings ontken.
Sapa
