Local News
Hansie Raath en seuns se vermeende moordenaar steeds agter tralies─── DANE BEISHEIM 15:16 Mon, 28 Sep 2015
Vredefort - Die borgtogaansoek van die vermeende moordenaar van Hansie Raath en twee seuns van Vredefort in die Vrystaat is tot volgende Maandag uitgestel.
Dit is volgens staatsaanklaer Vusi Nhlapo en volg nadat Tsietsi Joseph Mangola se regsverteenwoordiger nie vanoggend se hofverrigtinge kon bywoon nie.
Mangola word aangekla van die moord op die 53-jarige kontrakteur, Hansie Raath, en twee seuns, Katleho Mosolodi en Petrus Mohlamme, onderskeidelik 15 en 11 jaar oud.
Mangola, 'n voormalige werknemer van Raath, het hom en die seuns na bewering nege dae gelede met 'n 9mm-pistool wat hy uit 'n kluis in die huis gaan haal het, geskiet.
Intussen het die ANC-Jeugliga in Vredefort vanoggend 'n memorandum van eise rakende die betrokke saak aan die hofbestuurder oorhandig. Takvoorsitter George Rooi het aan OFM-nuus gesê die liga eis onder meer dat Mangola nie borgtog toegestaan word nie.
Dane Beisheim/OFM-nuus
George Rooi:
