Local News
Goeie reën in die sentrale binneland ‘n welkome sig.─── CHRISTAL-LIZE MULLER 09:35 Sat, 31 Mar 2018
Goeie reën die die sentrale binneland die afgelope twee weke word met ope arms deur boere verwelkom.
'n Saaiboer van Bainsvlei by Bloemfontein, Frikkie Van der Merwe, sê hy twee weke gelede sowat 50mm reën gehad en gister se opvolg reën was goed vir die plantegorei. Vander Merwe sê hy gister tussen 30mm en 40mm reën op sy plase gemeet.
Die Suid-Afrikaanse Weerdiens voorspel nóg reën in die komende week. ‘n Voorspeller van die Bloemfonteinse weerkantoor, Tumi Phatudi, sê verspreide reën- en donderbuie kan van môre af in die grootste deel van die sentrale binneland voorkom. Sy voorspel dié toestande duur tot volgende Donderdag in dele van die Noord-Kaap, Vrystaat en Noordwes voort.
Daar is van Maandag en Donderdag ‘n 80% kans op donderstorms in Bloemfontein, terwyl daar Maandag en Dinsdag ‘n 50% kans op verspreide donderbuie in Kimberley in die Noord-Kaap is. Teen Woensdag is daar ‘n 80% kans op donderstorms in Kimberly en Donderdag weer ‘n 60% kans op donderstorms. In Mahikeng in Noordwes is daar môre ‘n 60% kans op verspreide donderstorms en teen Maandag ‘n 30% kans en Dinsdag ‘n 50% kans op geïsoleerde donderbuie.
OFM-nuus
