National
Plaasmoorde en -aanvalle aan die toeneem: Afriforum─── CHRISTAL-LIZE MULLER 09:08 Tue, 02 Jun 2015
Pretoria - AfriForum sê moorde en aanvalle op plase in Suid-Afrika is vanjaar aan die toeneem en die organisasie sal aanhou om druk op die polisie te plaas om plaasmoordstatistieke van 1990 tot 2015 aan AfriForum te oorhandig.
Hoof van gemeenskapsveiligheid, Ian Cameron, sê vroeër vanjaar het die nasionale polisiekommissaris, Riah Phiyega, syfers bekendgemaak wat volgens AfriForum in samewerking met TLU SA se data foutief is.
Cameron sê volgens hul inligting is daar 316 plaasmoorde in die afgelope vyf jaar gepleeg teenoor die polisie se syfers van 271.
Dit kom nadat ‘n boer van Kuruman, Christo Kruger verlede week op sy plaas doodgeskiet is. Die afgelope naweek is nog ‘n werknemer op ‘n plaas by Brits in Noordwes, Andries Snyman, in sy huis vermoor.
Christal-Lize Muller/OFM-nuus
Ian Cameron:
