Mielies:

• Die Amerikaanse mieliemark het negatiewe marksentiment getoon met pryse wat byna 1,25% gedaal het ná ’n rondte tegniese verkope en winsneming aangespoor deur stroopdruk in die VSA. Ongunstige uitvoerdata plaas verder druk op pryse. Brasilië se Conab skat dat die land se mielieproduksie met 12,5% sal toeneem vanaf die vorige jaar.
• As dit gerealiseer word, sal Brasiliaanse mielie-uitvoer na verwagting met 21,6% toeneem vanaf die vorige jaar. Daar word beraam dat Franse mielie-opbrengste 19% laer kan wees as die vorige seisoen.
• Plaaslik: Die plaaslike mieliemark het gemeng, maar meestal positief gesluit. Winste en verliese was marginaal.
• Die witmieliekontrak het vir Oktober R35/ton sterker verhandel vir die dag om teen R5 000/ton te sluit. Witmielies vir lewering in Desember het R30/ton hoër verhandel teen R5 090/ton.
• Die geelmieliekontrak vir Oktober 2022 het verhandel teen R4 850/ton. Die geelmieliekontrak vir lewering in Desember het teen R4 976/ton verhandel, R28/ton sterker.

Sojabone:

• Die Amerikaanse sojaboonmarkpryse het laer verhandel teen sluitingstyd met pryse wat sowat 0,75% verloor het. Pryse het gedaal ná 'n rondte tegniese verkope, aangespoor deur ongunstige uitvoerdata en seisoenale stroopdruk. Pryse het tot hul laagste vlak sedert middel Julie gedaal.
• Brasilië se Conab verwag 'n reuse-oes, deels as gevolg van 'n toename van 3,4% in oppervlakte aangeplant.
• Plaaslik: Die plaaslike sojaboonmark het vir die tweede opeenvolgende dag sterker verhandel met pryse wat tussen 0,2 en 0,6% gestyg het.
• Die sojaboon Oktober ’22-kontrak het R30/ton sterker verhandel teen R9 400/ton. Die sojaboon Desember ’22-kontrak het R20/ton hoër verhandel teen R9 550/ton. Die sojaboon Mei ’23-kontrak het teen R8 880/ton, R40/ton sterker, verhandel.

Koring:

• Die Amerikaanse koringmark het in die vorige sessie tussen 1,5% en 2% laer gestruikel. Pryse was onder druk van die versterkende Amerikaanse dollar en verbeterde uitvoer uit die Swartsee-streek. Laer as verwagte koringverkope plaas verder druk op pryse.
• Die Filippyne, Indonesië, Brasilië en China was die grootste invoerders. Oekraïne se winterkoringaanplantingsvordering het slegs 27% van sy verwagte voetspoor vir die 2022/23-seisoen bereik. Kenners voorspel dat produksie met 70% kan daal.
• Plaaslik: Die plaaslike koringmark het baie klein wisselvalligheid getoon met slegs een kontrak wat verhandel het, maar het slegs ‘n beweging van R14 getoon.
• Die koring Oktober '22-kontrak het teen R7 220/ton verhandel. Die koring Desember ’22-kontrak het teen R7 210/ton verhandel.

OFM-nuus