Minister Thoko Didiza gaan Vrydag die vyfde Afrika Unie en EU Landbou Ministeriële Konferensie bywoon in Rome. Die vereniging se Deon Joubert sê die EU se regulasies oor Valskodlingmot en Sitrus-swartvlek hou 'n bedreiging in vir die toekoms van die plaaslike sitrusbedryf, wat sowat 800 000 ton sitrus per jaar uitvoer na Europa.

Intussen het Minister Thoko Didiza 11 nuwe lede aangestel op die Landbounavorsingsraad. Minister Thoko Didiza het die nuwe lede bedank vir hul belangstelling in die land se voorste landbounavorsingsinstelling. 

Dit is belangrik vir boere om aan georganiseerde landbou te behoort. Vrystaat Landbou-president, Fancois Wilken, sê plaaslike organisasies help om die wet “landbou-vriendelik” te maak. Wilken vertel ook wat die tema is van die organisasie se opkomende jaarkongres.

Herstelwerk is aan die gang in die Wes-Kaap nadat die provinsie deur vloede getref is. Agri Wes-Kaap uitvoerende hoof, Jannie Strydom sê daar word veral gewerk aan Eskom-infrastruktuur.

EN 

Die bogemiddelde reënvalsyfer die afgelope paar weke oor die Namakwa Nasionale Park, het gelukkig nie gelei tot enige waterskade en vloede nie. SANParke woordvoerder, Genevieve Maasdorp, sê dit maak voorbereiding vir die blomtyd en gepaardgaande toerismebedrywighede makliker as vorige jare.

OFM-nuus