Mielies:

• Die CBOT-mieliekontrakprys vir die naaste handelsmaand het Woensdagoggend met 'n effense afwaartse neiging verhandel.
• In die jongste USDA-oesvorderingsverslag was die Amerikaanse mielie-oes kwaliteit onveranderd. Die oes word tans as 57% goed-tot-uitstekend aangewys; 30% matig en 13% swak-tot-baie-swak. In vergelyking met die vorige seisoen is die oes in 'n swakker toestand.
• Die binnelandse mieliekontrakte het Woensdag met effense afwaartse tendense verhandel. 
• Die plaaslike nabymaand witmieliekontrak vir lewering in Augustus 2023 het met R26/ton (-0,69%) gedaal en teen R3 766/ton gesluit. 
• Die plaaslike nabymaand geelmieliekontrak het vir lewering in Augustus 2023 met R44/ton (-1,14%) gedaal en teen R3 784/ton gesluit.

Sojabone:

• Die CBOT-sojaboonkontrakprys vir die naaste kontrakmaand het Woensdagoggend met 0,51% gedaal.
• In die jongste USDA-oesvorderingsverslag is die VSA sojaboonoes effens afgegradeer. 
• Die oes word tans as 54% goed-tot-uitstekend aangeslaan; 32% matig en 14% swak-tot-baie-swak. 
• Fisiologies, het daar reeds 35% van die sojaboonoes peule gestol. Dit is effens hoër as die vyf jaar gemiddelde.
• Die binnelandse sojaboonkontrakte het Woensdag met skerp opwaartse tendens verhandel. Die plaaslike sojaboonmark het vir lewering in Augustus 2023 met R123/ton (+1,40%) geklim en teen R8 900/ton gesluit.

Koring:

• Die CBOT-koringkontrakprys vir die naaste handelsmaand het Woensdagoggend 0,4% hoër verhandel.
• Tans is koringpryse onseker en wag op nuwe nuus uit die Swartsee-streek. 
• In die jongste USDA-gewasvorderingsverslag word aangegee dat die Amerikaanse winterkoringoes 68% geoes is, wat die Amerikaanse koringvoorraad aanvul. 
• Die stroopproses is effens agter die vyf jaar tendens. In terme van die VSA is lentekoringtoestande effens afgegradeer. 
• Die oes word aangewys as 49% goed-tot-uitstekend; 35% matig en 16% swak-tot-baie-swak. Fisiologies is die lentekoringoes 94% opgekom.
• Die binnelandse koringkontrakte het Woensdag met gemengde tendense verhandel. Die plaaslike koringmark het vir lewering in Augustus 2023 met R152/ton (+2,22%) geklim en teen R7 000/ton gesluit. Die September 2023-kontrak het met R125/ton gedaal en gesluit teen R6 655/ton.

Vir meer inligting oor die huidige kommoditeits mark, besoek gerus Graan SA se webtuiste. 

OFM Nuus