Een ding is beslis, wat op ’n pizza moet wees lei altyd tot ’n debat. Pizza Hut in Japan het dit na ’n heel ander vlak geneem met sy nuwe pizza –Ramen.

Ramen is ’n soort noedel wat gewoonlik saam met vleis en groente bedien word. Pizza Hut en die maatskappy Tenka Ippin het saam aan die idee gewerk en dit is sedert 22 Januarie op hul spyskaart. Dit het die twee maatskappye ses maande geneem om die perfekte pizzasous te skep wat smaak soos hul bekende ramensop.

Die noedels word op die pizza bedien saam met varkvleis en uie. Jy kan ook vra vir ekstra sous. Dit is die derde pizza in hul reeks: Altyd meer as wat jy jou kan voorstel.
Die projek het in 2023 begin om Pizza Hut in Japan se 50ste bestaansjaar te vier en sy aanlyn teenwoordigheid te verhoog.

Lees ook: Weird Wide Web – Veiligheidskameras benodig ook wagwoorde

Die eerste pizza in die reeks was vol koriander en die tweede een se bestanddele was wors, koffie en room. Die Kotteri-fuu Ramen Pizza is tot 12 Februarie inJapan beskikbaar teen $13.
Pizza Hut sê dit is so gewild dat dit by van sy restaurante uitverkoop is.

Lees meer