Sommige mense hou daarvan om aan die menslike liggaam te dink as ’n “skilderdoek” – iets wat versier moet word. Dit is nie ’n nuwe idee nie. Mense versier hul liggame al vir ten minste tienduisende jare. En daar is altyd nuwe maniere om dit te doen.

Een van hierdie nuwer maniere word keratopigmentasie genoem. Dit is ’n prosedure wat die kleur van die oë verander. Dit kan gebruik word om die voorkoms van die oë van mense wat probleme met hul irisse het – die gekleurde deel van die oog – te verbeter.

Sommige mense gebruik egter die prosedure om hul oogkleur permanent om kosmetiese redes te verander. Dit het nogal baie aandag op sosiale media gekry. Kenners waarsku dat dit nie so veilig is nie.

Om die prosedure te doen, word ’n klein snytjie in ’n pasiënt se kornea gemaak, en gekleurde pigmente word ingespuit. Aloewel dit by sommige klinieke in Amerika gedoen word – en al meer as 15 jaar in Europa gedoen word – is dit nie deur die Amerikaanse voedsel- en dwelmadministrasie goedgekeur nie.

In die Verenigde Koninkryk kan dit om mediese redes gedoen word, maar nie vir kosmetiese redes nie.

Alex Day, ’n oogchirurg van die VK, het aan The Guardian gesê dat mense met gesonde oë wat hierdie prosedures ondergaan probleme met hul ooggesondheid kan hê “wat hulle vir die res van hul lewens sal beïnvloed.”

Aanlyn was daar selfs berigte van mense wat blindheid ervaar.

Lees ook: What’s on the Menu – Sosaties

Day het gesê gekleurde kontaklense sal ’n beter idee wees, solank dit deur ’n deskundige verskaf word.

Alexander Movshovich, wat die prosedure by sy kliniek in New York doen, het egter aan Opthamology Times gesê dat keratopigmentasie volgens sy eie navorsing nie gevaarliker as enige ander oogchirurgie is nie.

Hy gebruik lasers om die prosedure te doen, teen ’n koste van $12 000.

Kenners sê meer navorsing is nodig, voordat ons werklik kan weet hoe veilig die prosedure is.

Lees meer mvh