’n Hartseer storie uit China laat mense ’n moeilike vraag vra: Is dit beter om die waarheid te vertel of iemand teen pyn te beskerm?

Die South China Morning Post berig ’n familie het ’n AI-aangedrewe digitale weergawe van ’n man geskep wat in ’n motorongeluk gesterf het – sodat sy bejaarde ma nooit hoef te weet hy is oorlede nie.

Deur foto’s, video’s en stemopnames te gebruik het ontwikkelaars ’n ongelooflik realistiese digitale kloon geskep. Dit lyk en klink nie net soos hy nie, maar boots ook sy maniere na – selfs hoe hy praat en vorentoe leun tydens gesprekke.

En hier raak dit emosioneel … Sy 80-jarige ma glo steeds haar seun leef. Sy dink hy werk bloot in ’n ander stad. Om die illusie vol te hou, reël die familie gereeld video-oproepe tussen haar en die AI-weergawe van haar seun. Tydens dié oproepe herinner sy hom om goed te eet, warm aan te trek en na homself om te sien – terwyl die digitale “seun” belowe om haar binnekort te besoek.

Lees ook: Weird WIde Web: Britse maatskappy verbied verjaardagkoeke in kantoor!

Hy was glo haar enigste kind. En omdat sy ook aan ’n hartsiekte ly, was die familie besorg die waarheid sou te veel wees vir haar. Dus het hulle gekies om haar te beskerm. Maar toe die storie bekend word, het dit ’n groot debat aanlyn ontketen.

Sommige glo die familie het uit liefde opgetree – om ’n bejaarde ma teen ondraaglike hartseer te beskerm. Ander meen sy verdien om te weet wat die waarheid is, maak nie saak hoe pynlik dit is nie … en dat hierdie tipe kunsmatige troos te ver gaan.

Die vraag bly dus:  Is dit deernis, aangedryf deur tegnologie of ’n stap te ver?

Lees meer sm