Die voertuig is gebou deur studente van Brigham Young University en weeg slegs 49 kg, omtrent dieselfde as ’n groot tas wat vir 'n lang vakansie gepak is. Die brandstoftenk is selfs meer indrukwekkend. Dit hou net 30 ml etanol, minder as wat in 'n gewone sopieglas pas.

Die voertuig is ontwerp vir die jaarlikse Shell Eco-Marathon, ’n kompetisie waar spanne probeer om so ver as moontlik te ry met so min brandstof as moontlik. Om maksimum doeltreffendheid te bereik het die studente byna alles verwyder wat ons normaalweg in ’n motor verwag.

Daar is geen luukshede nie, geen ekstra sitplekke nie, en baie min spasie binne-in. Trouens, bestuurders moet korter as 1,63 meter wees en minder as 54 kg weeg om gemaklik daarin te pas.

Die eindresultaat?

Die span het bereken dat net 3,8 liter brandstof die voertuig teoreties van Utah tot New York sou kon neem – ’n afstand van meer as 3 000 km.  Voordat almal wil bestel, is daar egter ’n vangplek. Die voertuig se topspoed is slegs 37 km/h, en omdat die brandstoftenk so klein is, moet dit ongeveer elke 32 km hervul word.

Lees ook: Weird Wide Web – Werk vier dae per week, verloor gewig

Ja, dit is ongelooflik brandstofdoeltreffend. Maar jou volgende vakansierit gaan waarskynlik ’n week neem. Die studente sê Supermileage was nooit bedoel om 'n motor vir gewone gebruik te word nie. Dit is bloot ’n eksperiment om te wys hoe doeltreffend fossielbrandstofvoertuie kan wees wanneer ingenieurs uitsluitlik op brandstofbesparing fokus.

Dit bewys met genoeg kreatiwiteit en ingenieursvernuf kan net ’n paar druppels brandstof jou verrassend ver neem.

Lees meer sm