Studente van Nevada se West Career and Technical Academy het onlangs die wêreld se grootste kombersfort gebou wat ’n ongelooflike 1 310 vierkante meter beslaan het.  Dit is ongeveer die grootte van drie basketbalbane onder komberse en lakens.

Die enorme fort het die vorige Guinness-wêreldrekord van net meer as 1 140 vierkante meter verbygesteek. Om die rekord amptelik te laat tel moes die fort aan streng reëls voldoen. Elke laken moes die grond raak, daar kon geen opening groter as ongeveer 2,5 cm wees nie, en die struktuur moes hoog genoeg wees sodat mense gemaklik daarin kon sit.

Lees ook: Weird Wide Web - Modeneiging of modeflater?

Die projek het honderde lakens, toue, pype, knippe en ondersteuningsrame vereis om die fort te bou. Maar die geleentheid het oor meer as net ’n wêreldrekord gegaan. Die projek het vrywilligers, plaaslike ondernemings en gemeenskapsgroepe saamgebring om bewusmaking te skep vir pleegkinders en familielede wat as versorgers optree.

Nadat die rekord amptelik bevestig is, is ’n spesiale aand vir 150 pleegkinders aangebied, met speletjies, aktiwiteite, kos, brandweerwaens, polisiewaens en hope pret. Terwyl die meeste van ons kombersforte gebou het om vir ons broers en susters weg te kruip, het hierdie studente een gebou wat groot genoeg was om in die rekordboeke te beland.

Lees meer sm