Die amptelike oorhandiging het by die Provinsiale Gesondheidskantore in Kimberley plaasgevind en is bygewoon deur onder andere die LUR Maruping Lekwene. 

CPAP–masjiene, wat ook vir slaap-apnee gebruik word, lewer 'n stroom lug onder druk om die lugweg oop te hou terwyl 'n persoon slaap, en sodoende die episodes van onderbroke asemhaling te voorkom. 

Vir pasiënte met ernstige Covid-19 simptome is ventilators van kritieke belang en vir ligte tot matige gevalle waar pasiente asemhalingsnood ervaar, sal hierdie aangepaste CPAP–masjiene verligting bied. 

Volgens Gift of the Givers is hierdie toestelle deur die Solidariteitfonds finansier, met Gift of the Givers wat logistieke ondersteuning bied.

OFM-nuus/Mia-Leigh Cloete