South Africa
Voormalige OFM-bestuurder oorlede─── 08:21 Tue, 20 Apr 2021
'n Voormalige program- en produksiebestuurder by OFM, Ian Wessels, is in die ouderdom van 60 oorlede.
Wessels was tot onlangs die aanbieder van Regsake op RSG, nadat hy vir sowat ses jaar die aanbieder van Loslip, 'n inbelprogram op RSG was.
Die SABC berig hy het daarna die aanbieder van Regsake geword en kontinuïteitskofte by RSG gedoen. Wessels was ook die skrywer van verskeie humoristiese boeke, sowel as ‘n motiveringspreker. Hy word oorleef deur sy vrou Liesl.
Die uitvoerende hoof van CMG, Nick Efstathiou, sê Wessels het vanaf 2003 tot 2006 by OFM gewerk, en sê hy was 'n "goeie man, met 'n uitstekende sin vir humor".
SABC-nuus/OFM
