Dr. Mmereka Ntshani, of dr. Pashy, het ’n klag van bedrog teen Bester en sy beweerde medepligtige Nandipha Magudumana gelê. Dr. Pashy se identiteit is na bewering deur Magudumana gebruik tydens haar ontsnapping saam met Bester. Twee van dr. Pashy se paspoorte is by Magudumana gevind toe sy aangekeer is.

In ’n eksklusiewe onderhoud met SABC Nuus, sê dr. Pashy dat Magudumana Bester aan haar voorgestel het as TK Nkwana.

“Ek het haar toestemming gegee om my nommer vir TK te gee en hy het my gebel. Hy het gesê hy is TK Nkwana, ’n Suid-Afrikaanse sakeman wat in Amerika woon. Hy het gesê hy het goeie bande met Oprah Winfrey, aangesien hy deel is van die span wat haar reis na Suid-Afrika vir die Global Citizen-fees reël. Selfs die kontrakte en alles was soos in die VSA en Londen,” sê dr. Pashy.

Doctor's Network Presents : Doctors United Against A Pandemic
Speaker: Dr Nandipha,Dr Judy Dlamini,Dr Pashy ,Dr Sindi Van Zyl,Dr Michael Mol #drapp #ilovemydr #i_medialive @drpashy @drnandipha @dr.michaelmol @hulisaniravele @sindivanzyl @judynxasaba pic.twitter.com/NctQcPi7dw

— Doctors Network (@drs_Network) November 6, 2020

Dr. Pashy beweer verder dat daar nóg dokters is wat geval het vir Magudumana en Bester se leuens.

“Ek is nie die enigste dokter wat deur hulle bedrieg is nie, maar mense is bang om met hulle stories vorendag te kom as gevolg van wat met my gebeur het, want ek is op die internet aangeval. Niemand wil dit hê nie. Hulle bly eerder in hulle hoekie, huil en herstel.”

Sy voeg by dat die berugte paartjie haar ook uit ’n onbekende bedrag geld geswendel het – miljoene – deur bedrog en vervalsing.

“Ek kan nie tans sê hoeveel geld betaal is nie, want die saak word ondersoek en die polisie hou nog die geld dop. Ek praat ook steeds met prokureurs oor die kriminele klagte wat ek gelê het. Ons is besig met siviele klagte om die geld te probeer terugkry. Ek kan bevestig dat dit miljoene is.”     

OFM Nuus