South Africa
Eskom-bedryfshoof se kontrak kom tot ’n einde─── 14:17 Tue, 18 Jul 2023
Eskom het bevestig dat sy bedryfshoof, Jan Oberholzer, se kontrak tot ’n einde kom.
In 'n verklaring Maandag sê die nutsmaatskappy dit volg ná ’n wedersydse ooreenkoms. Oberholzer se laaste dag by Eskom is 31 Julie.
Oberholzer het einde April vanjaar afgetree, maar as ’n kontrakteur aangebly.
Hy was op 'n vastetermynkontrak om ondersteuning te verleen aan die Koeberg-kernkragstasie se langtermynbedryf en Kusile-kragstasieprojekte.
"Eskom is dankbaar teenoor Jan Oberholzer vir sy toegewyde diens, kundigheid en waardevolle bydraes in sy ampstermyn. Ons wens hom sterkte toe vir sy toekomstige ondernemings,"sê Eskom.
André de Ruyter, uitvoerende hoof, het Eskom vroeër vanjaar verlaat. ’n Opvolger vir De Ruyter is nog nie aangestel nie.
