Local News
Hof beslis dat Vryburg-aktekantoor nie gaan verskuif─── DANE BEISHEIM 17:20 Tue, 01 Dec 2015
Johannesburg - AfriSake het vandag ’n hofaansoek gewen in die stryd om Vryburg se aktekantoor te behou.
Regter Cynthia Pretorius het beslis dat die hof kennis neem van ’n skriftelike bevestiging onder eed deur die minister van landelike ontwikkeling en grondhervorming, die hoofregistrateur van aktes, die registrateur van aktes in Vryburg en die Noordwes-regering dat daar geen besluit is of was om die Vryburg-aktekantoor te sluit of na Mahikeng te verskuif nie.
Die sakeregtewaghond se Willie Spies sê sou die verskuiwing van die kantoor na Mahikeng voortgaan, sou dit vernietigende gevolge vir die Vryburg-gemeenskap inhou.
OFM-nuus
