Laurens Schlebush van die Geluksdam-landbouvereniging in die Bloemfontein-distrik, sê hy het sowat 40mm die afgelope naweek op sy plaas, wes van die stad, in die rigting van Jagersfontein gehad. Volgens Schlebush was daar sover dié seisoen groot uitdagings in terme van min reën en hittegolftoestande.

Hy kon mielies aanplant ná goeie reën in Januarie vanjaar, maar dié aanplantings was aansienlik minder teenoor aanplanting in vorige jare. Schlebush het meer sonneblom aangeplant, en die afgelope naweek se reën is goed vir dié aanplantings. Hy is egter bekommerd oor swak veldgroei.

OFM-nuus se Christal-Lize Muller het met hom gepraat…

Dit was Laurens Schlebush, ‘n boer van die Geluksdam-landbouvereniging in die Bloemfontein gebied.

OFM-nuus