Agri Hour

Agri-Uur: Jongste Safex-nuus

───   05:00 Tue, 23 Mar 2021

Agri-Uur: Jongste Safex-nuus | News Article

Hierdie verslag word deur Graan SA (GSA) verskaf.

Mielies:

Die Amerikaanse mieliepryse het Maandag laer beweeg toe die mark homself voorberei het op 'n hektaaruitbreiding namate die planttyd momentum begin kry het.

Vrydag se Cattle on Feed-verslag van USDA is grotendeels deur markte as effens lomp gesien, ondanks 'n effense afname in die totale beeste in voerkraal. Die totale kapasiteit op voerkrale, wat meer as 1 000 stuks beeste dra, het 0,9% laer beweeg van die vorige maand se hoogste punt van 12,1 miljoen stuks tot 12,0 miljoen stuks op 1 Maart.

Die plaaslike mieliemark het Vrydag wisselvallig verhandel oor al die kontrakte wat vir wit- en geelmielies gelys is.

Die witmieliemark het vir lewering in Julie 2021 R10/ton hoër verhandel vir die dag om teen R3 050/ton te sluit. Die geelmieliemark het vir lewering in Julie 2021 R3/ton laer verhandel om teen R3 164/ton te sluit.


Sojabone:

Amerikaanse ou oes sojaboon-termynkontrakte het oornag toegeneem, maar die nuwe oespryse kontrakte het gedaal namate die Chinese vraag na Brasilië verskuif, waar die oestempo en die versendingskoerse steeds inhaal ná 'n buitengewone reënerige oestydperk.

Die invoer van sojabone in China vanaf Brasilië het in Januarie en Februarie 2021 met byna 80% gedaal, vergeleke met dieselfde tydperk 'n jaar gelede, aangesien reënvertragings die vordering van die oes van die sojabone vertraag het en die versending van die Brasiliaanse hawens groot vertragings veroorsaak het.

Die plaaslike sojaboonmark het Vrydag  swakker verhandel en laer gesluit oor alle kontrakte wat tans gelys is.

Die plaaslike sojaboonmark het vir lewering in Mei 2021, R54/ton laer verhandel vir die dag om teen R7 608/ton te sluit.


Koring:

Amerikaanse koringpryse het Maandagoggend laer beweeg omdat verhoogde voorspellings vir die produksie van 2021 in Rusland, Oekraïne en die Europese Unie enige bedreigings vir aanbod, wat die markte in die 2020/21 bemarkingsjaar mag teëkom, vergemaklik het.

Die vooruitsigte vir ‘n groot 2021-koringoes en 'n swak uitvoervraag het verlede week die koringuitvoerpryse in die Oekraïne en Rusland onder druk geplaas.

Die plaaslike koringmark het Vrydag ondersteuning verloor en het oor  alle kontrakte wat gelys is, swakker geëindig.

Die plaaslike koringmark het vir lewering in Julie 2021 R18/ton laer verhandel en gesluit teen R5 085/ton.


OFM-nuus

@ 2021 OFM - All rights reserved Disclaimer | Privacy Policy | We Use Cookies - OFM is a division of Central Media Group (PTY) LTD.


  Visit the official Covid-19 Portal  More Information
Visit the official Covid-19 Portal
Cookies help us deliver our services. By using our site, you agree to our use of cookies. Tell me more