Agri Hour
Wanhoop heers in die Noord-Kaapse Williston-distrik weens droogtetoestande─── CHRISTAL-LIZE MULLER 06:34 Tue, 12 Feb 2019
Bykans die hele Williston-distrik in die westelike deel van die Noord-Kaap aangrensend aan Sutherland, gaan onder erge droogtetoestande gebuk.
Brand du Toit, voorsitter van die plaaslike landbouvereniging, sê wanhoop gedy onder boere. Hy sê as dit wel reën, is dit min en reën kom kol-kol voor. Die grootste gedeelte van dié distrik het sedert Mei verlede jaar nog nie ‘n druppel reën gehad nie. Die situasie is nou verby kritiek en al waaraan boere nou kan vashou is voerskenkings. OFM-nuus se Christal-Lize Muller het met hom gepraat…
Dit was Brand du Toit, voorsitter van die Williston-landbouvereniging. Skakel Woensdagoggend in op Before Dawn tussen 05:00 en 06:00 wanneer Du Toit verder gesels oor voerskenings en die situasie op plase in die gebied.
OFM-nuus
